王梓軒終與林愷鈴合唱
王梓軒新歌《安全着陸》是他的“引力三部曲”第三部，今次梓軒與林愷鈴(Ashley)合作無間，將獨唱版改為合唱版。
梓軒表示有留意Ashley的演出，一直搵機會跟她合唱，他說：“Ashley好得意，佢會拍音樂片。但今次對佢來說好大壓力，因為要坐凳，佢平時都係坐地下、攤梳化。”Ashley笑說：“原來錄音其實好專業，因為平時我在屋企都係用電話錄音，彈一次就擺上網。”梓軒搞笑地說：“即係好勁啦！”Ashley立即說：“No！唔係，我意思係平時好低成本好隨意咁拍而已。”
聽到Ashley話隨意拍，梓軒表示：“隨意拍已經咁動聽喇！所以Ashely一說要唱歌，我梗係話好啦！佢同咁多人唱過歌，但未同我唱過，有少少呷醋、有少少嬲呀！佢冇忘記唱歌的初心，仍然會勤於練習，在佢身上見到以前我有過的一團火。”