溫碧霞想在海邊開餐廳
溫碧霞(Irene)趁學校假期結束前,陪伴囝囝及老公飛到峇里度假,Irene笑言:“一星期眨眼好快過去,開心時間過得特別快,不過好過冇喇。”
遊峇里一星期,一家三口不停歎美食、不停四處去玩,問Irene肥咗幾多磅返港?她得戚地說:“冇喎,唔單止冇肥,反而仲瘦咗,因為每日運動量好大。我哋日日游水、踩單車、打乒乓波,又做瑜伽,健康咗又瘦咗,峇里的美食真係好好味。我哋唔係玩就係食,好彩運動量大咋。(瘦咗幾多磅?)冇刻意磅呀,最開心係肌肉結實咗。”
既然咁鍾意峇里美食,有冇諗過在當地開餐館?Irene坦言曾經有開餐廳的當地朋友向她建議:“對方做得好成功,但我考慮了一陣就打消了念頭。我驚冇時間打理,暫時未係時機,可能過幾年我會考慮。我反而有興趣在峇里開一間望海既有格調又浪漫、可以畀大家好舒服咁歎美食的餐廳。”