蔡一傑與舞台結婚
蔡一傑日前接受香港開電視主播馬梓軒專訪，大玩外國流行的自動輸入式採訪，解答網民對他最關注的問題，當中包括何時開騷、師傅是誰等等。
即將首次舉行個人音樂會的傑仔，形容這次處男騷就像結婚一樣，要將“婚禮”辦得有聲有色，當然唔少得好友伍詠薇幫忙。傑仔透露：“伍姑娘上唔上台就未知，不過佢一早報名，到時會負責帶位、迎賓、茶水，好多嘢要做，仲已經問我拎定工作證啦。”
對於他的另一半，他亦很樂意與大家分享：“我覺得係舞台，我好愛佢、好錫佢，唔可以離開佢！我係會同舞台結婚的人，因為實在太鍾意上台演出，同樂迷分享我的喜怒哀樂。”
傑仔又預告屆時會唱一首師傅梅艷芳的歌，他表示選歌過程遇到好大困難：“梅姐的歌好難揀，好多歌只有師傅先唱到那種味道。最後我揀的那首歌，亦係自己的心聲。我希望將呢個音樂會送畀佢，畀佢見到我今日做到屬於自己的音樂會。”