職位類型: 高級搜索
  


祖兒為霆鋒集氣
        來源: 澳門日報          發佈時間:2019-8-19          流覽次數:370
分享到:

祖兒為霆鋒集氣



被祖兒取笑與王菲情事,霆鋒頓變怕醜仔。


祖兒現場為霆鋒“集氣”


當嘉賓的霆鋒在台上任祖兒“魚肉”


霆鋒話祖兒抵撐


祖兒紅館騷唔經唔覺去到第十三場

    入紙紅館兩年未有期

    祖兒為霆鋒集氣

    容祖兒(Joey)紅館演唱會前晚係第十三場,當晚邀得謝霆鋒擔任嘉賓。霆鋒自爆入紙紅館兩年都被拒,等到頸都長!Joey為他即場“集氣”,笑言無論幾時大家都會等!

    祖兒的紅館騷每晚嘉賓環節都為粉絲帶來驚喜,前晚Joey在介紹嘉賓出場時,大讚對方是超級靚仔:“如果張敬軒係靚仔,佢係超級靚仔!佢平時好Chok,但係有一顆溫柔的心,因為我見證過!”Joey跟住唱出霆鋒經典歌《玉蝴蝶》,霆鋒便在舞台徐徐升上來,現場歡呼聲震爆紅館。

    兩人在台上擁抱後,Joey對霆鋒說:“大佬!阿仔點解咁耐唔見?是否在北京好忙?”霆鋒表示一直在香港拍戲,日前才飛到外地工作。Joey乘機說:“我以為你在北京過……你呢輪Dry唔Dry?”搞到霆鋒好尷尬。祖兒跟住表示好開心:“我視霆鋒係家人,當日邀請他做嘉賓,他一口答應呀!”霆鋒即說:“記得你搵我當日我病緊,我真係聽唔到你講乜,唔知講三個咩字,其實我係靠估。於是叫你唔好講嘢住,你要乜都得,唔緊要!剛剛話我特登回來撐你,其實大家都知唔止我一個,全行有好多人都會撐容祖兒,因為佢係一個抵撐嘅人!”Joey聞言感動得掩面想喊出來的模樣,開心地說:“謝霆鋒同我講呢啲嘢!”霆鋒說:“我好衰,唔值得撐的,我就唔撐口架啦。”

    Joey緊接着好興奮咁講:“我知,你個人夠真!我哋由細玩到大,你成功時我戥你開心,我成功時你戥我開心,歌都有得唱啦:你快樂所以我快樂!”霆鋒聽到Joey哼起王菲的歌,立時害羞得行開走近觀眾席,全場大笑。霆鋒笑問:“你幾時變到咁?”Joey得戚地笑道:“我幾時都係咁,喺一個開心有安全感的環境,我就係咁啦,哈哈。謝霆鋒一路好想繼續同大家開演唱會,你哋想唔想?”觀眾即刻起哄回答:“想!”

    霆鋒說:“話時話,紅館呢個空間,我入紙兩年,一次又一次被推翻,再推我就唔開啦。”Joey可能怕霆鋒說話太盡,即打圓場說:“鋒哥,千錯萬錯都係我錯,唔好咁講。你知唔知我呢個騷也申請咗好耐先有期?無論等到邊一日,今年又好、下年又好,總之大家都會等你啦,係咪?”觀眾報以歡呼聲和應。

    兩人之後再合唱《阿門》,邊唱邊同觀眾握手,期間Joey不停同觀眾講:“係咪好靚仔呢!不老的傳說呀,食咗防腐劑。”坦率得來十分搞笑。



網站主頁  |   人才求職  |   企業招聘  |   培訓頻道  |   新聞中心  |   Talk853.com  |   Bid853.com  |   關於我們  |   聯繫我們
鄭重聲明 :本網只提供公司和求職者之間一個網絡交流平臺,不涉及任何公司與求職者之間的勞務關係.
未經澳門人才網同意,不得轉載澳門人才網之所有招聘及相關信息
Copyright© 2005-2019  澳門人才網(www.Job853.com). All rights reserved.    法律顧問:麥興業大律師樓
Powered by 澳門長江網絡有限公司(互聯網服務牌照01/2007)