赴越南探訪助養兒童
王梓軒讚養女有理想
歌手王梓軒獲香港救助兒童會委任為助養兒童親善代表,早前親赴越南老街,探訪其助養的“女兒”小花,並視察救助兒童會在該區的工作。
王梓軒在香港救助兒童會安排下,早前親赴越南老街探訪其助養的“女兒”小花(Hoa)。梓軒表示是第一次見小花,當日見面後,“兩父女”一齊餵雞、掃地。梓軒開心地說:“她讓我一齊做家務,我覺得好開心!”
出發前,梓軒知道小花的志願係做醫生,所以買了一套醫生玩具送給她。梓軒表示:“之前小花都有些好得意的畫同信寄給我,佢手字好靚!我帶了份禮物給小花,亦買了些小禮物送給她的同學仔。我自己好少去越南,老街就係第一次去,好期待。”
梓軒當日天未光便坐兩個幾鐘頭車去老街,出發前,工作人員透露小花很害羞,梓軒說:“我們一開始要先玩破冰,然後搵小花的朋友一齊陪住,佢會冇咁驚。我仲會去佢屋企探佢父母、又會去學校、社區探訪,好充實。”老街內有不少少數民族,所以梓軒抵達越南後,即向工作人員問及當地文化禮節,他說:“好可惜!原來唔攬得小朋友,因為忌諱身體接觸。”
梓軒與小花見面後,以熱情成功打破隔膜,兩人一齊去打井水、餵雞及掃地。梓軒笑說:“小花好慢熱、天真無邪,幾歲就要幫屋企做家務,爸爸媽媽要湊孫,小花亦會幫手湊。一般少數民族都唔識越南話,通常在農村生活,尤其女仔一般都唔會出城市工作。但小花的理想好偉大,佢想做醫生,仲好努力學習一種新語言,希望將來可以幫屋企人同朋友。呢班小朋友有得返學已經好開心,就算老師離開課室,他們都會即刻拿本書出來讀。我希望用生命影響生命,令世界更好。”