林超賢對分紅最感興趣
導演林超賢昨日率領陳家樂、辛芷蕾、王彥霖現身香港國際影視展，為現場全球首播預告片的《緊急救援》造勢。
林超賢去年執導《紅海行動》叫好叫座，狂收四十五億二千四百萬港幣票房，在今屆亞洲電影大獎奪得一八年“亞洲票房最高電影大獎”。昨日楊受成把之前代領的獎座親手交到林超賢手中，並笑說：“有三十六億五千萬人民幣票房非常難得，功勞歸於導演大人。”林超賢即謂：“多謝老闆支持，要分紅！記得分紅。”楊受成就笑謂：“你上次分好多，買了好多層樓，呢次發達啦！”
說到繼《紅海行動》的四億製作費後，今次加碼一倍開拍《緊》片，林超賢揚言：“今次挑戰再大些，每次會加些不同元素，錢梗係希望多啲使，（多一倍？）唔知，總之畀多些我用。”他透露新片已完成內地拍攝，今日出發到墨西哥拍一個月。被問對八億製作費投資可有壓力？他說：“數吓數吓可能有，好有壓力。（若果得獎點慶祝？）對分紅最感興趣，八億係咪有部分是分給我？（楊生話你買了幾層樓？）楊生經常畀我希望，成日話我諗吓就可能有，但我都諗咗好耐。”