阿聰拍MV大展口氹仔功
“阿公”蘇永康新歌《All That Jazz》MV將於下周一推出，今次請到好友張繼聰助陣拍攝。阿聰自爆是阿公忠實歌迷，求學時期考試靠唱阿公Hit歌攞分，更被讚揀歌有品味。如今兩人已為人父，每次相見必暢談仔女經。
在MV中，阿聰與小演員做對手戲，大施口氹仔功，令得小朋友乖乖演出。蘇永康說：“今次邀請阿聰幫手，係因為我哋兩家人好熟，我見過佢個大仔阿詹好活潑，父子相處方法幾有趣，所以搵佢拍。我個仔只有廿一個月大，唔知將來相處會點樣？所以我將呢個諗法講畀Wyman知，等佢填歌詞時有啟發，再加上阿聰的演繹方法去做。”
MV中除了有張繼聰、小演員，還有扮演媽咪的胡琳。這首歌是講及父子情及家庭樂，在MV中阿聰有個幸福家庭，已為人父的他與兒子玩成一片、做運動、扮唱歌等，與小演員做對手戲毫無難度，因為他對口氹小朋友特別有一手，更不時流露出一副慈父相教小演員演出，令拍攝能火速完成。