梁詠琪讚老公演出有驚喜
賀歲片《恭喜八婆》上映至今累積逾一千三百萬元票房,前晚舉行慶功宴,導演彭浩翔及主演者梁詠琪(GiGi)、陳靜及謝賢等都有出席。
GiGi表示今年賀歲檔多競爭對手,對這個票房已感滿意。對於導演說過如果收兩千五百萬元票房就請大家去滑雪,GiGi表示:“本人滑雪唔叻,所以冇報名,對我冇影響。但因為大家係好朋友,加上拍得順利,我覺得無論票房多少,導演都要請大家去滑雪。”
GiGi指戲中的彩蛋就是老公客串演出其男神一角:“我覺得好有驚喜,佢在片中有兩句中文對白:好臭呀!冇問題!其實佢本身都識講,因為幫個女換尿片時佢就會講了。”問到老公會否愛上了演戲?GiGi說:“老公當然唔會當作正職,今次都是幫導演手,只收取利市。”那麼下次可會讓囡囡客串?GiGi立即婉拒:“有時小朋友唔係想像中咁易控制。”