莊思敏心急披嫁衣
莊思敏昨出席香港古今婚嫁珍藏展,以短裙配襯新潮鳳冠亮相。她對現場展出的古董裙褂甚感興趣,尤其鍾情二十年代的裙褂,笑言隨時準備做準新娘。
莊思敏步入豬年便招來桃花,早前被影到與西裝男一碟餃子兩份食,昨日她否認有新戀情:“我呢位朋友好慘!其實一碟餃子好多,兩個人食好正常。我們是朋友,冇可能發展。報道出街後朋友唔介意,但我就被取笑,覺得不應該影響到他。(對方不是你杯茶?)他雖然是單身,但我冇深入研究。”
莊思敏在社交網放上情人節收花的相片,她坦言:“有好多朋友和粉絲都有送禮物,當中不乏追求者。(幾時會有好消息?)因為時間緊迫,必須要揀清楚,不能浪費時間。最緊要大家相處得來,送花男裡有正在了解當中的朋友,心目中有些可以親密一些的,希望今年可以拍拖。”
思敏早前曾透露返馬來西亞過年兼被媽咪安排相睇,她笑說:“結果係冇!因媽咪篩選過,覺得有些性格不適合、有些外形麻麻,最後一個都冇。(妹妹思明是否唔敢爬頭出嫁?)我唔介意佢先嫁,我更加冇壓力。可能她和男友過分放閃,所以經常有婚訊傳出。”