翠如感激男友幫手執屋
黃翠如昨日出席食肆宣傳活動,以露肩連身裙亮相,全程笑容滿面,透露颱風“山竹”襲港時,幸好獲男友蕭正楠幫手處理窗戶善後工作。
翠如透露屋企被颱風吹至損毀嚴重:“家門前大樹被吹斷,半棵樹倒壓在窗前,隨後被磚頭打爆窗戶,屋內即時變得一片狼藉。”她笑說:“我仲用手Hold住塊玻璃,如果吹爆咗就大件事,諗起都覺得自己好傻。”
翠如表示其後更作出“驚人”決定:“因為爆玻璃隔籬就係廚房,我心諗如果無嘢食就大件事。我就去廚房攞咗包方包,找個角落坐低,冇耐就瞓着咗。”結果她睡醒後,就見到男友已處理好爛窗,還準備好了火鍋做晚餐,心裡真的很感動和感激。翠如指現在還未找人修理玻璃窗,擔心中秋節或再有颱風來臨。