志偉眷戀做港姐司儀
無線封殺曾志偉？流料！事實勝於閒言。
志偉出席某品牌活動，無線娛樂台派隊採訪，直問：“你黑咗噃！”娛樂台主持人疑似語帶相關；一身古銅色的志偉回應道：“入正題啦，唔好講埋啲無謂嘢。”
眞係想知道，你做乜咁黑？“周圍搵嘢做囉！”志偉笑容尷尬：“畀人封殺吖嘛！唔使搵嘢做咩？世界難撈呀！唔係想做就有得做。”
“志偉哥，你是否被無線封殺？”其他傳媒探究這位“獎門人”是否無敵？“我唔知！”志偉坦言：“連日報道係咁講，不過，無線冇搵過我！”
每年選港姐形式差不多，靈魂在司儀。幾乎可以肯定，“金牌司儀”必出身“港姐”決賽。網民支持志偉繼續在港姐決賽鬼馬搞笑，但志偉卻說：“唔係想做就有得做，我亦好想做好節目畀觀眾睇。（阿叻話你阻住晒喎。）佢去做囉。”曾志偉似對港姐依依眷戀，說話留有後路：“出於好意，今年眞係諗過返去無線做。不過，可能程式改變了，所以冇搵我。（一直都冇搵你？）係！都冇叫我去澳門影相。”志偉難掩眷戀之情，“神女有心，襄王無夢”昭然若揭了。
提到ViuTV、亞視搶着邀請……“都係報道而已，我仲係求緊職。”影帝曾志偉表情一面無奈。
世盃亮相ViuTV、揶揄港姐西貢拍外景才引致無線封殺？“累積！禍從口出。”曾志偉冇怨天尤人，歸咎自作自受。亞視十一月重選亞姐，聲言八位數資金投資。“我有打畀何麗全，但打極都打唔通，想問候佢同恭喜佢。佢咁多兼職，要關照吓。”ViuTV有選美節目《廣告女皇》喎，志偉斷言拒絶：“港姐都唔做，做呢啲會畀人笑。”
高 梁