孫慧雪:湊仔似舉重
昨日,林盛斌(Bob)帶同三個女兒出席商場騷,父女更即場演唱,大受歡迎。阿Bob透露女兒喜歡聽英文歌,喜歡外國歌手,但父女間不會有代溝。他笑言:“三個女喺屋企經常唱歌,好似開演唱會咁,可以出嚟搵食了。(會否重點培養女兒唱歌?)唔會太刻意囉,係都訓練咗自己先啦,我唱歌仲有改進空間。”
孫慧雪昨日則帶同囝囝Riley亮相,Riley九個半月大已廿五磅重,活潑精靈,不單識得對住鏡頭揮手,又伸手除鞋除襪,十分可愛。問她湊仔是否好辛苦?她笑說:“抱佢好似舉重咁,我大隻咗好多呢!”活動上她又與阿Bob交流湊仔經,阿Bob又笑問阿雪:“Riley食乜嘢可以咁大隻,係唔係啜得多呢?”談到收身進度,阿雪笑言船到橋頭自然直,八月會連拍兩劇,到時便會瘦下來。