毛舜筠愛上空中瑜伽
昨日，毛舜筠以代言人身份出席醫學美容中心分店的活動。毛毛被問到平日是否好重視護理皮膚？她笑言：“我就係唔重視，平日又唔做Facial，先要搵佢哋幫手。”
毛毛被問到平日有做甚麼運動時，她笑言：“平日有跑步，仲有做空中瑜伽，屋企有間房仔，專用嚟畀我練習空中瑜伽，老公有時行過睇到都會話：仲吊緊？我會話：係呀，吊緊！（你可想過去考瑜伽牌？）冇，因為我唔鍾意考試，我係要求完美的人，考試總想攞一百分，好大壓力的。”
毛毛下月有份角逐金像獎影后，問她可有信心？她表示：“信心一定有，而且細女表示會陪我一齊出席，順便見識一下世面。”