野蠻乘客增 爆粗忍氣吞
司機吐苦水 隨時要賠銀
司機羅先生:任職巴士司機廿多年,經常遇到野蠻、霸道乘客,一上車就爆粗“問候”,駁嘴又話你態度不好。司機遇到辱罵,一律要忍,有時忍無可忍,真係佛都有火,我哋打份工,唔係畀人出氣。做司機壓力大,澳門路況差,人車、汽車爭路嚴重,而且銀包經常要袋住一千文傍身,違例抄牌自己畀,不小心撞車自己賠,長者坐車跌一跌,又要賠醫藥費,要食驚風散開車。
打工竟變出氣袋
近年司機及乘客衝突升級,係政府一手造成。乘客埋怨搭車難,政府可否考慮改行雙層巴士,加大載客量?建議巴士不應入舊區,地堡街行去官也街只需三分鐘,乘客點解唔自己行,巴士使唔使咁遷就客人?”
見車未開即吵鬧
楊站長:關閘巴士總站每星期都有一、兩單醉酒鬧事,有人一落嚟見有巴士,但未開車,即時又吵又鬧,司機只能快步避開,否則分分鐘中招。上星期三有單巴士司機被人打,周不時都有司機被打。雖然總站有停泊數輛同一線路巴士,但不能話開就開,必須嚴格按照與政府編訂的班次發車,但很多乘客不理解,將怒氣發洩在司機身上。每朝七時關閘總站交通壓力最大,經常大排長龍,未有巴士埋站,居民尚守規矩排隊,但當巴士一靠站,乘客即時爭先恐後上車,毫無秩序可言,政府使用膠欄分流根本發揮不到作用。