機制平台委員會未解決問題
林香生:事事崔生吹雞幾辛苦
“澳門街大小二事,乜嘢都要去到崔生吹雞,你都幾辛苦!”立法會副主席、勞工界議員林香生認為現時不少機制、平台、委員會等,無法真正提出問題的解決方法,“因大家一定要同你講先有效,同其他人講冇效時,咁就真係瓜得啦!”冀崔世安利用好現有機制、體制。
六博企做過乜?
林香生提到,澳葡政府在一九九六年已制訂一系列關於培訓的法規,亦有高層的培訓統籌委員會,“有制但我哋卻冇用,現在博彩業的人點培訓出來?六家博企又做過乜?回過頭看,坎坷口架!”又如交通問題,“有好多機制、平台、委員會、好多人,但點解調動不起澳門人自己投入去真正提出解決問題呢?”希望崔世安未來用好這些機制、體制。“現時澳門不愁錢,但如何在有錢底下做好機制、體制,將澳門這隻船撑出大海。”
冀干預勞工收入
作為勞工界,他大吐苦水,認為政府干預了勞動市場,但希望未來干預勞動市場的收入。“老實講,個餅做到今天我都好驚,做一百文出來,老闆賺咗四十二、政府賺三十八,最後工資數得二十。要發展,勞動力係問題,但勞動力優化、核心價值的提升有冇做過呢?一間酒店房由三百元,升至現時一千多元,但旅業工人人工升咗三千不足。”