經歷漁業興衰
陳伯：飄搖半生貧亦樂
昔日澳門經濟支柱之一的漁業，內港波光帆影的景象早就不再，行業式微。昔日漁民如何靠雙手打拼，老漁民陳廣玉要用文字保存這快被遺忘的老行業。
七十七歲的老漁民陳廣玉在船上出生，一生隨船飄泊，七年前退休，至今還念念不忘漁家之情。“我由細喺船上玩，未有真正入學。”後來回農村學四書五經，他珍惜機會，不斷學習，“宜家都好鍾意學，好鍾意睇（書）。”
風帆年代，漁民借風駛帆出海作業，生活艱難，但陳伯笑言：“嗰時生活都唔識講咩困難唔困難，總之有工就做，有得食就食，有得玩就玩。”基本上日日望天打卦，“有風就搵食，無風就係山攞柴攞水補給、織網，無其他娛樂。”當時連親戚都找不到，有些因燒船去世，有些因饑荒餓死，“嗰時我大約十歲八歲，有粥食已經好好，有啲（人）甚至連粥都冇得食。唔似宜家啲後生仔成日喊我好辛苦啊、我又想訓晏啲咁，舊時真係唔識（辛苦）。”
至上世紀六十年代，船上開始安裝機器引擎，不用再望天打卦、靠風出海，可以去更遠、漁獲更豐富的地方作業。“漁船上生活無節目，漁民生育多，真係有啲生十個八個仔女，有啲少都三至四個。”至八十年代子女長大及機器推陳出新，部分家庭有五隻船，藉向魚欄、造船廠等商戶借貸，漁民進一步把船隻升級，漁獲便增加。“好快澳門除咗賭嗰行，最順就係漁民，一雙船可以加到四、五十個工人，船多到喺媽閣想入避風塘都塞晒。”隨着內地改革開放，上世紀八十年代漁民子女識字後放棄船上生活，後繼無人，漁業經過數十年的跌宕，逐漸式微。
陳伯世世代代皆以捕魚為生，“我阿爺嘅阿爺都攞魚”，不過他不期望孫兒繼承其衣砵，“而家連我都唔想好似舊時咁生活，上街又論論盡盡，電腦又唔識，仲搵番舊陣時生活？”現時他只想新世代認識漁業歷史，從書本上保存那些珍貴的記憶。
陳伯經歷風吹雨打、風雨飄搖的生活逾半個世紀，但未見蒼老，“身體好可能與以前經歷有關”，寄語生活要知足，“知足者貧亦樂，我而家好貧，但我都好樂。”
本報記者 蔡小姗 報道