巴塞鎖亞差一場

    【本報消息】巴塞羅那在西甲快車憑F盧比斯梅開二度，作客以二比○擊敗已包尾篤定降班的艾美利亞，以勝利送贈聯賽第一百場領軍的教練沙維，爭亞軍形勢大好，再贏一場即可鎖定亞軍。

    作客的巴塞羅那由利雲度斯基、耶馬及F托里斯組鋒線；艾美利亞由羅辛奴掛帥。巴塞開賽後反客為主，F盧比斯在十四分鐘接應科特的挑傳射頂彈地波打開缺口。巴塞欲乘勢追擊，可惜耶馬禁區內起腳斜出。艾美利亞嘗試反撲，亦有恩巴巴射斜，半場巴塞領先一球。

    艾美利亞易邊後搶攻，惜羅辛奴近門失機。巴塞則有F盧比斯及羅拔仔射門被封。巴塞在六十七分鐘再找到機會，羅拔圖妙傳F盧比斯梅開二度擴大優勢。主隊全場十二射僅三中忘帶射門鞋。最終巴塞贏二比○。巴塞連贏，加上第三的傑羅納輸波，巴塞已甩開四分穩守次席，再贏一場即可鎖定亞軍。今仗是教練沙維領軍巴塞的第一百場聯賽，以贏波贈興，沙維高興球員有好表現：“球員非常專業，發揮得很好。希望繼續保持發揮，以勝利結束今季。”

    傳主席季尾怒炒沙維

    巴塞雖爭亞軍形勢大好，不過多家西媒突然報道，早前轉軚決定留隊執教至二五年約滿的沙維，將在季尾被炒。報道指三周前才宣佈留隊的沙維因日前言論激怒主席拿樸達，已決定炒沙維。沙維日前坦承巴塞因財困，實力已難與皇馬及其他歐洲豪門相比。

    此外，畢迪斯失分讓出爭踢歐霸的主動權，作客拉斯彭馬斯雖有馬莫爾的烏龍及A佩雷斯建功兩度領先，最終仍被主隊逼和二比二。畢迪斯失分，加上皇蘇今輪贏波，畢迪斯反落後一分跌落第七的歐協聯席位；皇蘇升上第六的歐霸區。