胡蓓蔚激到老公睇醫生
昨晚播出的《香港婚後事》，請到相愛廿八年的圈中恩愛夫妻單立文（豹哥）和胡蓓蔚（豹嫂）擔任嘉賓。他們在節目中不時打打鬧鬧互相開玩笑，甜蜜互動盡顯默契。當中豹哥更盡顯幽默本色，答非所問，激到一班主持人陳自瑤、賴慰玲、黎諾懿及羅天宇紮紮跳，十分搞笑！
談到夫妻相處，豹嫂表示最近因一事令她有新的領悟：“最近我激親老公，激到佢睇醫生。原本係好小事，但大家喺度互頂，佢話：你收聲！我話：我好冷靜，你有咩資格叫我收聲，我依家叫你收聲！之後佢個胃就唔舒服，個肚好多氣，要去睇醫生，食咗兩個月胃藥。”
豹哥與豹嫂愛情長跑十二年才結婚，豹哥認為：“結婚唔係一件大不了的事，簽一張紙就代表你一生一世愛呢個人咩？呢個形式係做畀啲老人家睇，或者係做畀朋友睇，係一場大龍鳳。”
講到豹哥，不得不提他的外號“西門慶專業戶”，他更大方分享拍過三級片的過去，坦言沒有後悔過，“演嘅西門慶都係歷史人物啫，冇咩大不了！”相當瀟灑。